İran XİN başçısı Abbas Əraqçı ölkənin 1-ci kanalında canlı yayımda verdiyi müsahibəsində bu barədə deyib: “Atom Enerjisi üzrə Beynəlxalq Agentlik İranın bu təşkilatla əməkdaşlığının “yeni şərtlər daxilində keçmişdəki kimi olmayacağını” qəbul edib.
O, parlamentin təsdiq etdiyi qanuni tələblərə və yerli şəraitə toxunaraq deyib: “Agentliyə mesajımız ondan ibarətdir ki, bizim sizinlə əməkdaşlığımız əvvəlki kimi deyil. Agentliklə əldə etdiyimiz razılaşma yeni çərçivə müəyyən edir və agentlik bunu qəbul edib.
Agentlik həmçinin bombalanmış və bombalanmamış obyektləri bir-birindən fərqləndirmək və ayrı-ayrılıqda və əlaqələndirilmiş şəkildə yoxlamalar aparmaq barədə razılığa gəlib”.
Onun sözlərinə görə, agentlik bununla bağlı parlamentin qərarlarına hörmətlə yanaşıb və həmçinin “nüvə obyektlərinə hücumun qeyri-qanuni akt olduğunu qəbul edib”.
