Rusiya İctimai Palatasının katibinin müavini Vladislav Qrib müəllimlərin mənzillə təmin olunması təşəbbüsü ilə çıxış edib.
Ulusal.az xəbər verir ki, bu barədə TASS məlumat yayıb.
Ekspert qeyd edib ki, mənzil məsələsinin həlli müəllim peşəsinin nüfuzunu və prestijini artıran ən mühüm amillərdən biridir. Təklifə görə, pulsuz mənzil hüququ ən azı dörddə bir əsr (25 il) məktəbdə işləyən müəllimlərə verilməlidir.
“İnanıram ki, məktəbdə 25 ildən artıq işləyənlər pulsuz olaraq mənzillə təmin oluna bilərlər. Təklif olunan iş stajı yekun deyil və əlavə müzakirə mövzusu ola bilər”, – deyə Qrib bildirib.
Qeyd edək ki, Rusiyada hal-hazırda daha yaxşı mənzil şəraitinə ehtiyacı olan müəllimlər sosial kirayə müqavilələri əsasında mənzillə prioritet təminat hüququna malikdirlər. Lakin mövcud qanunvericilikdə bu sosial təminatın həyata keçirilməsi qaydasını tənzimləyən hər hansı xüsusi normativ hüquqi akt yoxdur.Publika.az
