TBİLİSİ, 12 sentyabr. TELEQRAF
Tbilisi Şəhər Məhkəməsi Rusiyadan olan ər-arvad — Anastasiya Zinovkina və Artyom Qribuliyanın hər birini 8 il 6 ay müddətinə azadlıqdan məhrum edib.
Teleqraf-ın yerli bürosu xəbər verir ki, ötən ilin dekabrında Tbilisidə keçirilən etiraz aksiyasında saxlanılan cütlük narkotik cinayətkarlığında ittiham olunurdular.
Onların üzərilərində və evlərində aparılmış axtarış zamanı 16 qram narkotik maddə aşkarlanıb.
Rusiya vətəndaşları günahsız olduqlarını bildiriblər. Onların sözlərinə görə, həbsləri Gürcüstanda hökumət əleyhinə aksiyalarda iştirak etmələri ilə bağlıdır.
Qeyd edək ki, bu yaxınlarda Tbilisi Şəhər Məhkəməsinin qərarı ilə daha bir Rusiya vətəndaşı Anton Çeçin də eyni ittihamla eyni müddətə həbs edilib.
