BAKI, 12 sentyabr. TELEQRAF
Nepalın sabiq Ali Məhkəmə sədri Suşila Karki ölkədə baş verən kütləvi etirazlar fonunda əvvəlki baş nazir Şarma Olinin istefasından sonra müvəqqəti hökumətin rəhbəri postuna and içib.
Teleqraf xəbər verir ki, andiçmə mərasimi Katmandudakı Prezident sarayında baş tutub və o, Nepal tarixində hökumətə rəhbərlik edən ilk qadın olub.
Suşila Karki 2016-2017-ci illərdə Nepal Ali Məhkəməsinin sədri olub və bu vəzifəni tutan ilk qadın kimi tarixə düşüb. O, məhkəmə sistemində korrupsiyaya qarşı mübarizə təşəbbüslərinin qətiyyətli tərəfdarı kimi tanınır.
