Fastfoodların müntəzəm istehlakı bir neçə gün ərzində siçanların beyin fəaliyyətində pozulmalara səbəb olur.
News365.az xəbər verir ki, Şimali Karolina Universitetinin Tibb fakültəsinin tədqiqatçıları belə nəticəyə gəliblər.Məluma
Məlumata görə, gəmiricilər üzərində aparılan təcrübələr yağlı qidaların yaddaşdan məsul olan beynin hipokampal hüceyrələrinin fəaliyyətinə təsir etdiyini göstərib.
Qeyd olunub ki, beynin bu bölgəsindəki xüsusi bir növ neyron (CCK interneurons) qlükoza udulmasının pozulması səbəbindən həddindən artıq aktiv işləməyə başlayıb. Cəmi dörd gün yüksək yağ və karbohidratlı pəhrizdən sonra heyvanlar məlumatı yadda saxlamaq qabiliyyətini itiriblər.
Alimlər vurğulayıb ki, təsvir edilən dəyişikliklər artıq çəki artımından və ya diabet əlamətlərinin görünməsindən əvvəl də baş verib.
Beyində qlükoza səviyyəsini bərpa etmək və ya aralıq oruc tutmaq neyronların normal fəaliyyətini bərpa edib və yaddaşı yaxşılaşdırıb.
Müəlliflərin fikrincə, bu üsullar piylənmə və metabolik pozğunluqlarla bağlı idrak pozğunluğunun qarşısının alınması üçün əsas ola bilər.
