Qırğızıstanın keçmiş prezidenti Almazbek Atambayevin ailəsi Koy-Taş kəndindəki evindən məcburi şəkildə çıxarılır.
Redaktor.az xəbər verir ki, ev dövlət mülkiyyətinə keçib.
Qırğızıstanın Dövlət Əmlakını İdarəetmə Agentliyindən bildiriblər ki, məhkəmə qərarı ilə Atambayevin evinin yerləşdiyi Koy-Taş kəndindəki ərazi dövlət mülkiyyətinə qaytarılıb. Ərazidə yaşlılar evi və uşaq bağçası tikmək planlaşdırılır.
Xatırladaq ki, iyunun 3-də Bişkekin Birinci May Rayon Məhkəməsi ölkənin keçmiş prezidenti Almazbek Atambayevi əmlakını müsadirə etməklə 11 il altı ay azadlıqdan məhrum edib.
