HƏMAS liderlərinin aradan götürülməsi müharibənin dayandırılmasına və girovların azad edilməsinə yol açacaq.
AzPost bildirir bu barədə İsrailin baş naziri Benyamin Netanyahu bildirib.
Netanyahu X sosial şəbəkəsində yazıb: “Qətərdə yaşayan Həmas liderləri Qəzzadakı fələstinlilərin taleyi ilə maraqlanmır. Onlar atəşkəs əldə etmək üçün istənilən cəhdin qarşısını alıblar və müharibəni qeyri-müəyyən müddətə uzatmağa çalışıblar”.
Onun fikrincə, “onlardan qurtulmaq” girovların azad edilməsi və döyüşlərin dayandırılması üçün əsas maneəni aradan qaldırardı.
Bundan əvvəl baş nazirlikdən bildirilib ki, sentyabrın 14-də ABŞ dövlət katibi Marko Rubio İsrailə gələcək. Netanyahu Marko Rubionun müşayiəti ilə Qərb Divarına baş çəkəcək.
