Yarımmüdafiəçi Tomas Müller 36-cı doğum günündə het-trik edib.
Publika.az xəbər verir ki, MLS-də baş tutan oyunda “Vankuver Uaytkæps” “Filadelfiya Yunion”u 7:0 hesabı ilə darmadağın edib, alman futbolçu isə üç qol vuraraq matçın qəhrəmanına çevrilib.
Müller ilk qolunu 29-cu dəqiqədə penaltidən vurub – 3:0. Birinci hissəyə əlavə olunmuş vaxtda o, yenidən 11 metrlik nöqtədən fərqlənib. 88-ci dəqiqədə isə dünya çempionu hesabı möhtəşəm het-triklə tamamlayıb.
Qışda “Bavariya”dan “Vankuver”ə keçən təcrübəli yarımmüdafiəçi Kanada klubunda cəmi 3 oyun keçirib və artıq 4 qol vurmağı bacarıb.
