Bazar ertəsi Cənubi Koreya, ABŞ və Yaponiya KXDR-dən gələn təhdidlərə qarşı təhlükəsizlik sahəsində əməkdaşlığın dərinləşdirilməsinə yönəlmiş üçtərəfli hərbi təlimlərə başlayıb, Renhap xəbər verir.
Beş günlük “Freedom Edge” hərbi təlimləri sentyabrın 15-dən 19-dək Cənubi Koreyanın Ceju adasının şərqində və cənubunda beynəlxalq sularda keçiriləcək. Qeyd olunur ki, təlimlərdə raketdən müdafiənin effektivliyinin artırılmasına yönəlmiş təlimlər, həmçinin hava hücumundan müdafiə təlimləri, tibbi təxliyyə, dənizdə qadağa əməliyyatları keçiriləcək.
ABŞ-ın Hind-Sakit Okean Komandanlığı bildirib ki, təlimlər “ölkələrin Asiya-Sakit Okean regionunda sülhə kollektiv şəkildə nail olmaq və onu qorumaq üçün birgə öhdəliklərini nümayiş etdirir”.
Öz növbəsində Şimali Koreya təlimləri tənqid edərək bildirib ki, bu təlimlər regionda təhlükəsizliyi təhdid edir və mənfi nəticələrə gətirib çıxaracaq.
WPK Mərkəzi Hərbi Komitəsinin sədr müavini Park Jong-chonun sözlərinə görə, hərbi təlimlər KXDR-ə qarşı “nüvə silahından istifadəyə yönəlmiş nüvə müharibəsinin açıq məşqidir”.
Oxuməni.az
