ain.az xəbər verir, Bizim media saytına əsaslanaraq.
Qonşu ölkədə yenə ara qarışıb. Gürcüstanın paytaxtı Tiflisdə müxalifət partiyaları, QHT-lər, tələbələr və onların tərəfdarlarının iştirakı ilə hökumət əleyhinə kütləvi aksiya keçirilir.Aksiyaların oktyabrın 4-də keçiriləcək yerli özünüidarəetmə-bələdiyyələrə keçiriləcək seçkilər ərəfəsində təsadüfi deyil. Məlumdur ki, bütün seçkilər dövründə Gürcüstanda ciddi qarşıdurmalar olur. Yada salaq ki, ötən ilin oktyabrında keçirilən parlament seçkilərində ölkədə vəziyyət vətəndaş qarşıdurması həddinə qədər inkişaf etmişdi. Lakin son nəticədə “Gürcü arzusu” partiyası parlamentdə səs çoxluğunu təmin etdi.
MÖVZU İLƏ BAĞLI:Kobaxidze ABŞ-ın Gürcüstana qarşı laqeydliyinə təəccübünü GİZLƏTMƏDİ
Bununla belə həmin günlərdə ölkədə vəziyyət kifayət qədər gərginləşmişdi. Xarici qüvvələrin təşkilatçılığı ilə QHT, media nümayəndələri açıq şəkildə hökümətin istefasını tələb edirdi. Lakin bütün təzyiqlərə, təxribatlara baxmayaraq nəticə dəyişmədi və bir müddət sonra vəziyyət yenidən sabitləşdi.Bu günlərdə isə vəziyyət yenidən gərginləşib. Tiflisin küçələri hər gün etirazçılarla dolur. Hədəfsə 4 oktyabrda müxalifətin qələbəsini təmin etmək və son nəticədə “Gürcü arzusu”nun 13 illik hakimiyyətinə son verməkdir. Bunun üçün etirazçılar bütün vasitələrdən istifadə etməyə çalışırlar. Məsələn, “Rustaveli prospekti” hərəkatının lideri Paata Burçuladze hələ bir müddət əvvəl seçkilərdə Gürcüstandakı mövcud hakimiyyəti devirməyə söz verib:“Oktyabrın 4-ü saat 16:00-da Respublika Meydanına toplaşacağıq, iqtidarın ələ keçirdiyi ölkəni geri alacağıq. 4 oktyabr təkcə etiraz günü deyil, tarixi qələbə günü olacaq”.
Bundan başqa vaxtilə hakim partiya olan “Vahid Milli Hərəkat”ın keçmiş sədri Levan Xabeişvili xalqı “dinc inqilaba” çağırıb.O hətta Nepaldakı qanlı hadisələrindən sonra hakimiyyət dəyişikliyini xatırladıb:“Mən hər kəsə müraciət etmək istəyirəm: gəlin Nepal nümunəsindən öyrənək və rejimin korrupsioner məmurlarının saraylarının fotoşəkillərini kütləvi şəkildə yayaq – bu, çox vacib ifşa olacaq”.Qeyd edək ki, Xabeişvili bir müddət əvvəl dövlət rəsmilərinə və hüquq-mühafizə orqanlarının nümayəndələrinə rüşvət verməyə cəhdə görə həbs edilib.Görünən odur ki, yaxın günlərdə Gürcüstanda həyat yenidən öz axarından çıxacaq. Artıq xarici dairələr də öz mövqelərini ortaya qoyurlar. Xatırladaq ki, Gürcüstanın baş naziri bir müddət əvvəl Trampa məktub yazmışdı. Həmin məktubunda Kobixadze xüsusilə Azərbaycan Prezidenti İlham Əliyevlə, erməni baş nazir Nikol Paşniyanın Ağ Evə dəvətinə işarə edərək Trampa Gürcüstanı görməzdən gəlməməyə çağırmışdı.Ağ Evdən bu məktuba heç bir reaksiya olmadı. Bu da onu göstərir ki, ABŞ Gürcüstanla münasibətləri yenidən bərpa etməkdə maraqlı deyil. Qarşıdan gələn bələdiyyə seçkilərində Ağ Ev yəqin ki, öz təzyiqlərini göstərəcək. Gürcüstanın Baş naziri İrakli Kobaxidze bu günlərdə jurnalistlərə açıqlamasında bildirib ki, bizim üçün, cəmiyyət olaraq, müşahidə etdiyimiz bu cür passivlik təəccüblüdür:“Biz çox istəyirik ki, bu passivliyi başqa rejimə – aktiv rejimə çevirək və nəticə etibarilə strateji tərəfdaşlığın bərpası barədə danışmağa başlayaq. Ümid edirik ki, strateji tərəfdaşlıq yenidən nəzərdən keçiriləcək. Əgər münasibətlər möhkəmlənməsə, düşünürəm ki, Gürcüstan və ABŞ arasında münasibətlərin yenidən korlanmasının qarşısını heç nə almayacaq”.Nəzərə alaq ki, rəsmi Tiflisə Qərbin təzyiqləri bununla bitmir.Məsələn, Brüssel son vaxtlar Gürcüstanın siyasi dairələrinə təzyiqlərini artırıb. Səbəb isə LGBT-yə münasibətdir.Mövzu ilə bağlı danışan Baş nazir deyib ki, Gürcüstanda heç kim Vətəndaş Qeydiyyatı Agentliyində rəsmi şəkildə cinsini dəyişə bilməyəcək.Bu fikirləri Kobaxidze Brüsselin tövsiyələri, o cümlədən “Ailə dəyərləri və azyaşlıların müdafiəsi haqqında” qanun paketi və “Xarici təsirin şəffaflığı haqqında” qanun layihəsi ilə bağlı şərh verərkən səsləndirib:“Sizə söz verirəm: əgər bir insan qadındırsa, o, kişi ola bilməz. Və əksinə. Bu, mənim vədimdir”.Kobaxidze vurğulayıb ki, Brüsselin təzyiqlərinə baxmayaraq, Gürcüstan eynicinsli evliliklərin və cinsiyyətin dəyişdirilməsinin leqallaşdırılması ilə bağlı heç bir qərar qəbul etməyəcək və mövcud qanunların dəyişdirilməsi planlaşdırılmır.Seçkinin nəticələri indidən bəllidir?Məlumdur ki, bütün seçkilərdə Qərb bu cür tələblərlə Gürcüstanın üzərinə gəlib. İstənilən nəticə əldə edilmədikdə isə təxribatlar törədilib, seçkilərin nəticələri tanınmayıb. Təsadüfi deyil ki, Qərb artıq 4 oktyabr seçkiləri ilə bağlı mövqeyini ortaya qoyub. Belə ki, ATƏT-in Demokratik Təsisatlar və İnsan Hüquqları Bürosu (ATƏT/DTİHB) gələn ay Gürcüstana keçiriləcək seçkilərə müşahidəçi göndərməyəcək. Bəhanə isə çox bəsitdir. Guya Gürcüstan tərəfi ATƏT/DTHB-yə dəvəti çox gec göndərib.Əslində isə bu bir mesajdır ki, qurum 4 oktyabr seçkilərinin nəticələrini tanımayacaq. Seçki ilə bağlı “hesabat”sa artıq hazırdır.Görünən odur ki, yaxın 20 gündə Gürcüstanı çətin sınaq gözləyir. Bu sınaqdan gürcü xalqı və Gürcüstan dövlətinin necə çıxacağını isə zaman göstərəcək.Surxay Atakişiyev, Bizim.Media
Sonrakı hadisələr barədə daha çox məlumat almaq üçün ain.az saytını izləyin.
