Ukrayna Dövlət Sərhəd Xidməti Rusiya və Belarusun sentyabrın 16-da başa çatması planlaşdırılan birgə hərbi təlimlərinin Ukraynaya dərhal müdaxilə təhlükəsi yaratmadığını bildirib.
Qaziler.az bildirir ki, bunu RBC-Ukraynaya şərhində Ukrayna Dövlət Sərhəd Xidmətinin sözçüsü Andrey Demçenko deyib.
"Xoşbəxtlikdən sərhədimiz istiqamətində hər hansı aktivlik müşahidə etməmişik. Əslində, Belarus ərazisində Ukrayna istiqamətində hər hansı bir qüvvənin formalaşdığını və ya cəmləşdiyini görməmişik", - Demçenko bildirib.
Ukrayna Dövlət Sərhəd Xidmətinin məlumatına görə, Rusiya bu təlimlər üçün az sayda qüvvə və resursları Belarus ərazisinə cəlb edib. Bu təlimlərdə iştirak edənlərin əsas hissəsini Belarus silahlı qüvvələrinin bölmələri təşkil edir.
QAZİLER.AZ
