…2025-ci ilin yay mövsümü misli görünməmiş turist axını ilə üzləşmiş Avropa şəhərləri üçün ciddi sınaqlara çevrildi. İspaniya, İtaliya və Yunanıstan sakinləri küçələrə axışaraq turist axınının məhdudlaşdırılmasını tələb edirlər.
Avropanın əfsanəvi şəhərləri rekord turist axınının təzyiqi altında dağılmaq ərəfəsindədir.
SİA xarici qaynaqlara istinadən xəbər verir ki, 2024-cü ilin məlumatlarına görə, qitə 756 milyon ziyarətçi qəbul edib ki, bu da əvvəlki mövsümlə müqayisədə 46 milyon çoxdur....Vəziyyət xüsusilə Venesiya, Barselona və Parisin tarixi mərkəzlərində kritikdir, burada ziyarətçilərin yerli əhaliyə nisbəti fəlakətli disbalanslara çatır.
Yunanıstanın Zakintos şəhərində bu fərq 1:150-yə çatıb. Problemin kökündə kütləvi turizm modelində və qısamüddətli kirayələrdəki bum dayanır.
Airbnb kimi platformalar yaşayış sahələrini otel rayonları kimi bir şeyə çevirərək daimi sakinləri kənara itələdi. Bələdiyyə orqanları məqsədyönlü tədbirlərlə cavab verməyə çalışır - kvotaların tətbiqi, turistlər üçün ödənişlərin artırılması, nəqliyyatın məhdudlaşdırılması…
Ancaq bu tədbirlər çay daşqınını əllə dayandırmaq cəhdlərinə bənzəyir.
Paradoks ondan ibarətdir ki, hətta etirazlar fonunda bir çox hökumətlər turizm sənayesinə sərmayə yatırmağa davam edir - hava limanlarının genişləndirilməsi, yeni otel komplekslərinin tikintisi…
Bu siyasət həyat keyfiyyətinin müdafiəsi tələbi ilə küçələrə çıxan vətəndaşların artan müqavimətinə səbəb olur.
Nazlı Almuradova
