Müəllif:Mehin Qasımova,Banco.az
Çərşənbə axşamı səhər neftin qiyməti geosiyasi gərginlik fonunda yüksəlir.
Banco.az xəbər verir ki, Londonun ICE Futures birjasında Brent markalı noyabr fyuçersləri 0,14 dollar (0,21%) bahalaşaraq 67,58 dollar/barel təşkil edib. Bazar ertəsi Brent markalı neft 0,45 dollar (0,67%) bahalaşaraq 67,44 dollar/barelə çatıb.
Bu vaxta qədər WTI markalı neftin oktyabr fyuçersləri Nyu-Yorkun NYMEX əmtəə birjasının elektron hərraclarında 0,16 dollar (0,25%) bahalaşaraq bir barelə görə 63,46 dollar təşkil edib. Əvvəlki sessiyada müqavilənin qiyməti 0,61 dollar (0,97%) artaraq 63,3 dollar/barel olub.
İsrail Müdafiə Qüvvələri Qəzzanı ələ keçirmək üçün qurudan hücuma keçib. Müdafiə naziri İsrael Katz quru əməliyyatının məqsədinin HƏMAS qruplaşmasını tamamilə məğlub etmək və girovları azad etmək olduğunu bildirib.
Fələstin mediası sentyabrın 15-i axşam Qəzzanın bombalanması və İsrail tanklarının şəhərə daxil olması barədə məlumat yayıb.
İnvestorlar həmçinin Ukraynanın onun enerji infrastrukturuna zərbələri və ABŞ-ın Rusiya neftinin alıcılarına təzyiqindən sonra Rusiyadan neft tədarükünün kəsilməsindən narahatdırlar. Sentyabrın 13-də ABŞ prezidenti Donald Tramp bildirib ki, əgər bütün NATO ölkələri oxşar addımlarla razılaşarsa və həmçinin Rusiya neftini almaqdan imtina edərsə, Vaşinqton Moskvaya ciddi sanksiyalar tətbiq edəcək.
Neft qiymətlərini ABŞ Federal Ehtiyat Sisteminin 2025-ci ilin dekabrından bu yana ilk faiz dərəcəsini sentyabrın 17-də endirəcəyi gözləntiləri də dəstəklənir.
