Tramp NYT-dən 15 milyard dollar tələb edir

AzVision.az xəbər verir ki, “Truth Social” sosial şəbəkəsindəki paylaşımında Donald Tramp sözügedən nəşri Demokratlar Partiyasını dəstəklədiyinə görə ABŞ-nin“ən pis və ən degenerativ qəzetlərindən biri” adlandırıb.

“Bu gün mən radikal solçu Demokratik Partiyanın faktiki ruporuna çevrilmiş, ölkəmizin tarixində ən pis və ən korrupsioner qəzetlərdən biri kimi tanınan “The New York Times”-a qarşı 15 milyard dollarlıq diffamasiya və böhtan iddiası qaldırmaq şərəfinə nail oldum”,- Amerika lideri yazıb.

Ağ Evin rəhbərinin saözlərinə görə, “NYT”onilliklərdir ki, amerikalıların sevimli prezidenti, yəni Donald Trampın özü, ailəsi, biznesi, “America əfzəldir”, “MAGA” və ABŞ haqqında yalan danışır.

- “NYT”-yə çox uzun müddətdir ki, yalan danışmağa, böhtan atmağa və mənə böhtan atmağa icazə verilib və bu, dərhal dayandırılacaq! İddia böyük Florida ştatında qaldırılıb”,- Tramp vurğulayıb.

Tramp həmçinin iddia qismində qəzetin ön səfihəsində Kamala Harrisin prezidentliyə namizədliyinin dəstəkləndiyini göstərərək, bunu“tarixdə ən böyük qanunsuz kampaniya töhfəsi”adlandırıb.

Xatırladaq ki, ABŞ prezidenti media korporasiyalarına qarşı dəfələrlə məhkəmə iddiası qaldırıb. 2024-cü ilin noyabrında, hələ prezidentliyə namizəd olarkən, Kamala Harrislə müsahibəyə görə “CBS” telekanalını və “Paramount” şirkətini məhkəməyə verib. İddianın həlli üçün “Paramount” şirkəti son nəticədə 16 milyon dollar ödəməyə razı oldu.

“ABC News” telekanalı da məhkəməyə qədərki prosesdə Donald Trampın 15 milyon dollarlıq iddiasını təmin etmək məcburiyyətində qaldı. Belə ki, telekanalın aparıcısı Trampın zorakılıqda təqsirli bilindiyini iddia etmişdi. Əslində isə söhbət ABŞ prezidentinin sataşqanlığından gedirdi.

Bundan əlavə, Amerika lideri həm də Trampın özünün maliyyəçi Ceffri Epşteyn üçün “əxlaqsızlıq” sözü yazdığı foto-adres ilə bağlı yaydığı xəbərə görə “The Wall Street Journal (WSJ)” qəzetinə qarşı 10 milyard dollarlıq iddia qaldırıb.

Sahil İsgəndərov
AzVision.az