“Məktəbdə bıçaqlanan şagirdlər arasında problem olmayıb” – RƏSMİ AÇIQLAMA

Xəbər verildiyi kimi Cəlilabad rayonunun Xəlilabad kəndində bıçaqlanma hadisəsi baş verib.

Belə ki, sinifyoldaşı tərəfindən bıçaqlanan 11-ci sinif şagirdi K.İ. həyatını itirib.

Xəlilabad kənd orta məktəbindən Bizim.Media-ya verilən məlumata görə, hadisə məktəb daxilində baş verib və bıçaqlanan məktəbli xəstəxanada dünyasını dəyişib:

“Biz dərhal üzərimizə düşən vəzifəni icra edib 103 qaynar xəttinə zəng etmişik və hər iki şagirdin valideynlərinə xəbər vermişik. Yaralı Cəlilabad Mərkəzi Xəstəxanasında əməliyyata götürülüb. Lakin orada dünyasını dəyişib”.

Lənkəran-Astara Regional Təhsil İdarəsindən isə saytımıza verilən məlumata görə, bıçaqlanan şagirdlər arasında heç bir problem olmayıb:

“Əslində yolda və xəstəxanada ölməsi ilə bağlı çeşidli məlumat var. Lakin maraqlısı odur ki, məktəblilər arasında heç bir problem olmayıb, indiyədək insident yaşanmayıb. Hazırda araşdırma davam edir”.

Məmmədova Naibə, Bizim.Media

• Hadisə
• Cəlilabad
• Bıçaqlanma
• Ölüm
• Şagird