1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Formula-1" üzrə Azərbaycan Qran-prisi ilə əlaqədar Şəmsi Bədəlbəyli küçəsi - Akademik Milli Dram Teatrının yaxınlığından Heydər Əliyev Sarayının qarşısı - Bülbül prospektinə qədər məsafədə avtobus zolağı müvəqqəti olaraq ləğv edilib.
Bu barədə Baku TV-nin "Necə olmalıdır?" rubrikasında məlumat verilib.
Qeyd edilib ki, kəsişmədən sonra zolaq əvvəlki qaydada qüvvədədir. Sürücülər nizamlayıcının göstərişi olmadan zolağa daxil olmamalıdırlar.
"Bənzər dəyişiklik metronun "28 May" stansiyasının yaxınlığı - Azadlıq prospektində də müşahidə edilir. Rəşid Behbudov küçəsində isə zolaqlar əvvəlki kimi qüvvədədir", - deyə əlavə edilib.
O da vurğulanıb ki, 28 May küçəsində parklanma yerləri sentyabrın 23-dək müvəqqəti olaraq ləğv edilib.
Ətraflı süjetdə:
