İran İsrailin xarici kəşfiyyat agentliyi MOSSAD üçün işləməkdə ittiham olunan və ölüm cəzasına məhkum edilən bir şəxsi edam edib.
"Cebheinfo.az" İRNA-ya istinadən bildirir ki, sionist rejimlə kəşfiyyat, casusluq və təhlükəsizlik sahəsində əməkdaşlıq edən və bu rejimə bağlı şəxslərlə məlumat mübadiləsi aparan MOSSAD casusu Babək Şehbazi, məhkəmə prosesi nəticəsində verilən hökmün Ali Məhkəmə tərəfindən təsdiqlənməsindən sonra bu səhər edam edildi.
Telekommunikasiya, hərbi və təhlükəsizlik qurumlarına bağlı şirkətlərdə sənaye soyutma cihazlarının dizaynı və montajı sahəsində çalışan Şehbazinin, MOSSAD agenti İsmayıl Fikri ilə tanış olduqdan sonra yüksək vəzifəli hökumət rəsmiləri və onların harada olduqları, hərəkətləri barədə məlumat satmağı təklif etdiyi, özü, eləcə də ailəsi üçün ABŞ-də daimi yaşayış icazəsi və 120 milyon dollar nağd və ya kriptovalyuta tələb etdiyi müəyyən edilib.
Bundan sonra, 2024-cü ilin fevral ayında MOSSAD nümayəndəsinin istəyi ilə Şehbazi və Fikri “Skype” üzərindən israillilərlə görüşlər keçirərək onlara kəşfiyyat məlumatları ötürüblər.
