Türk xalq musiqisinin unudulmaz siması Selda Bağcan Almaniyada konserti öncəsi qeyri-adi hadisə ilə gündəmə gəlib. Alış-veriş üçün Berlin küçələrini gəzən sənətçi pərəstişkarı olduğu taksidə türk sürücü ilə qarşılaşıb.
Hafta.az-ın “Posta”ya istinadən yazdığına görə, hadisə Bağcanın Berlinə alış-veriş etmək üçün taksiyə minməsi ilə başlayıb. Onun təsadüfən qarşılaşdığı taksi sürücüsünün həm türk, həm də sənətçinin pərəstişkarı olduğu üzə çıxıb. Söhbət əsnasında taksi sürücüsü ayrı qaldıqları həyat yoldaşına video zəng edib və Selda Bağcan araya girərək cütlüyü barışdırıb.
Bu qeyri-adi andan sonra hadisədən çox təsirlənən taksi sürücüsü Bağcanı planlaşdırdığı alış-veriş mərkəzinə aparmaq əvəzinə onu iki saatlıq şəhər turuna çıxarıb. Sonra onu birbaşa evinə gətirib və qəhvə içməyə dəvət edib.
Taksi sürücüsünün sürpriz təklifinə təəccüblənən Selda Bağcan qısa gərginlikdən sonra vəziyyəti həll edib. Sənətçi xeyli səydən sonra sürücünü razı sala bilib və əvvəlcə nəzərdə tutduğu ticarət mərkəzinə yollanıb. Bu təəccüblü təcrübədən sonra Selda Bağcan həmin axşam Columbia Halle Teatrında çıxış edərək pərəstişkarlarına unudulmaz konsert verib.
