News24 saytından alınan məlumata görə, ain.az bildirir.
""Qarabağ"ın oynunu izləyəndə 90 dəqiqə həyəcan içində idim. Bunu da qeyd edim ki, həmişə "Qarabağ"a inanmışam".
Bu sözləri News24.az-a "Qarabağ-Benfika" oyunun nəticəsi haqqında danışan Milli Məclisin deputatı Aqil Abbas deyib.
Onun sözlərinə görə"Qarabağ" futbol komandası səfərdə daha yaxşı oyun göstərir: ""Qarabağ" oyunda hər zaman geri dönüş etməyi bacarır. Mən bu oyuna Qurban Qurbanovun qələbəsi deyərdim. Qurban Qurbanov elə bir ssenari yazmışdı ki, rəqib donub qalmışdı, oynaya bilmirdi.
"Qarabağ"ın futbolçuları yalnız rəqiblə yox, eyni zamanda 40 minə yaxın azarkeşlə oynayırdı. Rəqibin azərkeşləri dayanmadan mahnı oxuyurdu. Mən bizim ölkənin azərkeşlərində heç vaxt elə bir hal görməmişəm. Hər kəs "Qarabağ"a köhlən atlar deyir, lakin mən Qurban Qurbanovun ayğır atları deyirəm. Onlar Santuşun qohumlarını tapdayıb keçdilər. Santuş görsün ki, oyun necə oynanılır. Həmçinin böyük futbol məşqçiləri Qurban Qurbanovun taktikasını, sistemini bəyəniblər".
Deputat Azərbaycanın digər futbol komandalarınında - "Sabah", "Neftçi", "Zirə"nin də "Qarabağ" kimi fəaliyyət göstərməsini arzu etdiyini bildirib: "Avropada 200 ildir futbol var, amma Azərbaycanda 30-35 ildir. Əvvəlki dövrə baxanda, sadəcə "Neftçi" komandasının olduğunu görürük, lakin bizim əsl futbolumuz müstəqillik əldə etdikdən sonra oldu. 30-35 ilə belə bir komanda yaratmaq hər oğulun işi deyil, ancaq Qurban Qurbanov bunu bacardı".
Millət vəkili "Qarabağ" üçün hər zaman qurban kəsdiyini də bildirdi: "Mən həmişə "Qarabağ" üçün qurban kəsmişəm və bu gün də anadan olduğum kənddə kəsib ehtiyacı olanlara paylayacaqlar. "Qarabağ" qalib gəlməsə belə, onların sağ-salamat Vətənə qayıtmasına görə də qurban kəsmişəm. Çünki bu komanda Qarabağın məhv olmasına icazə vermədi, daim yaşatdı.
Mən hər zaman qeyd edirəm ki, Qurban Qurbanovun komandası keçmiş Xarici İşlər Naziri Elmar Məmmədyarovdan daha çox iş görür".
Xeyrənsə Piriyeva
Ən son xəbərləri və yenilikləri almaq üçün ain.az saytını izləyin.
