1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Qırğızıstanın Pobeda zirvəsində çarəsiz qalaraq həyatını itirən rusiyalı alpinist qadın Nataliya Naqovitsina ölümündən əvvəl oğlu ilə danışıb.
Oxu.Az-ın Lenta.ru-ya istinadən xəbərinə görə, alpinistin son sözləri NTV-də yayımlanan "Yeni rus sensasiyaları" verilişində məlum olub.
Naqovitsinanın rəfiqəsi Liya Popova kanala müsahibəsində bildirib ki, qadın oğlunun yanına qayıtmağı düşünürmüş.
"Onun son sözləri bu oldu: "Mişaya (alpinistin oğlu - red.) deyin ki, ana gecikir", - deyə Popova qeyd edib.
Xatırladaq ki, daha əvvəl Rusiya Alpinizm Federasiyası Naqovitsinanın ölümünü təsdiqləməkdən imtina etmişdi. Avqustun 12-də ayağı sındığı üçün zirvədən enə bilməyən 47 yaşlı qadın itkin düşmüş hesab edilib. Avqustun 23-də xilasetmə əməliyyatının başa çatdığı elan edilib.
