Ayna portalından verilən məlumata görə, ain.az xəbər yayır.
"İsrail və Fələstinin Milli Olimpiya Komitələri BOK tərəfindən tanınır və bərabər hüquqlara malikdir"
İsrail Olimpiya Xartiyasına əməl edir və buna görə də onun idmançıları beynəlxalq yarışlardan kənarlaşdırılmayacaq. AYNA.AZ İspaniyanın EFE-agentliyinə istinadən xəbər verir ki, bu sözlər Beynəlxalq Olimpiya Komitəsinin (BOK) bəyanatında əksini tapıb.
Bundan əvvəl İspaniyanın Baş naziri Pedro Sançes Qəzza zolağındakı münaqişə səbəbindən İsraili yarışdan kənarlaşdırmağa çağırıb.
"İsrail və Fələstinin Milli Olimpiya Komitələri BOK tərəfindən tanınır və bərabər hüquqlara malikdir", - bəyanatda deyilir.
"Hər iki komitə Olimpiya Xartiyasına əməl edir. Biz hazırkı münaqişənin idmançılara təsirini azaltmaq üçün onlarla işləməyə davam edirik", - deyə BOK-dan bildirilib.
Hadisənin gedişatını izləmək üçün ain.az saytında ən son yeniliklərə baxın.
