Azertag portalından verilən məlumata görə, ain.az xəbər yayır.
Sarayevo, 18 sentyabr, AZƏRTAC
Bosniya və Herseqovinanın paytaxtı Sarayevo Enerji və İqlim Həftəsinə ev sahibliyi edəcək.
AZƏRTAC xəbər verir ki, sentyabrın 22-dən 26-dək baş tutacaq tədbir davamlı həlləri vurğulamaq üçün ekspertləri, beynəlxalq təşkilatların, qlobal və regional şirkətlərin rəhbərlərini, akademik dairələri və digər maraqlı tərəfləri bir araya toplayacaq.
Enerji və İqlim Həftəsində aktual mövzular müzakirə olunacaq.
Sarayevo Enerji və İqlim Həftəsi Avropa İttifaqı məqsədlərinə nail olmağa əsaslanan iqlim siyasətləri və davamlı enerji gələcəyinə keçidin çağırış və imkanlarını həll etmək üçün enerji sektorunda əsas oyunçuları və ekspertləri bir araya gətirən nüfuzlu beynəlxalq tədbirdir. Beş günlük proqrama kömürlə zəngin regionlarda ədalətli keçid, enerji keçidi, bərpaolunan enerji, enerji səmərəliliyi, rəqəmsallaşma, dairəvi iqtisadiyyat, isitmə və soyutma və e-mobillik kimi mühüm mövzulara yönəlmiş müxtəlif sessiyalar və konfranslar daxildir. Tədbirdə müxtəlif ölkələrdən 1000-dən çox iştirakçı ilə yüksək səviyyəli interaktiv müzakirələrdə iştirak etmək imkanı əldə edəcəklər.
Nihad Budaqov
AZƏRTAC-ın xüsusi müxbiri
Sarayevo
Ən son xəbərləri və yenilikləri almaq üçün ain.az saytını izləyin.
