Dünya uşaqlıq hipertansiyonu fenomeni ilə üzləşir.
“Medicina” xəbər verir ki,mütəxəssislər hipertoniyadan əziyyət çəkən yeniyetmələrin sayının artması ilə bağlı həyəcan təbili çalırlar. Bu gün 5 yaşa qədər uşaqlar tez-tez yüksək təzyiq və baş ağrısı ilə xəstəxanalara müraciət edirlər.
Böyük Britaniyanın statistikasına görə, son 10 ildə yüksək qan təzyiqindən əziyyət çəkən 16 yaşınadək xəstələrin xəstəxanaya yerləşdirilmə sayı 3 dəfə artıb. Artıq hipertoniya əlamətləri olan 5 yaşa qədər yüzlərlə uşaq da xəstəxanaya yerləşdirilir.
Mütəxəssislər hesab edirlər ki, uşaqlıq hipertoniyasına çipsi və qoz-fındıq kimi müxtəlif kalorili qidalar, habelə fastfud yeməkləri səbəb olur.
Səhiyyə rəsmiləri uşaqlarda hipertansiyonun qida rasionunda həddindən artıq duzdan və ya uşaqlıqda piylənmə epidemiyasının nəticəsi olduğunu təsdiq edə bilmirlər.
Bəzi hallarda uşaqlarda yüksək təzyiq böyrək və ya ürək problemlərindən qaynaqlana bilər.
Bununla belə, İngiltərədə bu yaxınlarda aparılan bir araşdırma, 7 yaşlı uşaqların yarısından çoxunun həddindən artıq duz istehlak etdiyini göstərdi.
Bu yaş qrupundakı uşaqlar gündə 5 qramdan çox duz istehlak etməməlidirlər, lakin 25% -i 6,7 qramı keçib.
Bristol Universitetində 7-15 yaş arası 600 uşaq arasında aparılan araşdırma nəticəsində məlum olub ki, onların duz qəbulunun çox hissəsi pizza və hamburger kimi işlənmiş qidalardan gəlir. Üstəlik, tövsiyə olunan duz miqdarından çox istifadə edən bütün uşaqlar yüksək təzyiqdən əziyyət çəkirlər.
Aygün Musayeva
