Ermənistanda Milli Təhlükəsizlik Xidmətinin Sərhəd Qoşunlarının komandanı Edqar Hunanyan vəzifəsindən azad edilib.
"Operativ Məlumat Mərkəzi-OMM" xəbər verir kİ, baş nazirin təklifi əsasında bu barədə sərəncamı Ermənistan prezidenti Vaaqn Xaçaturyan imzalayıb.
Hunanyan 2024-cü ilin yayında komandir təyin edilib.
Polkovnik bundan əvvəl Sərhəd Qoşunları komandanının birinci müavini və qərargah rəisi vəzifələrində çalışıb.
Xatırladaq ki, Ermənistan Milli Təhlükəsizlik Xidmətinin Sərhəd Qoşunlarının əvvəlki komandanı Arman Maralçyan 2023-cü ildə Tex kəndi yaxınlığında baş vermiş insidentdən sonra vəzifəsindən azad edilib.
