Litva Kiyevdə Ukraynanın bərpası üzrə layihələrin idarə olunması Agentliyinin ofisini açacaq.
Tribunainfo.az xəbər verir ki, bu barədə Ukraynanın xarici işlər naziri Andrey Sibiqa Litvanın xarici işlər naziri Kestutis Budris ilə keçirdiyi birgə mətbuat konfransında bildirib.
Onun sözlərinə görə, bu ofis Litvanın Ukraynanın bərpası ilə bağlı bütün layihələrini koordinasiya edəcək. Xüsusilə, Litvanın yeni qoşulduğu “Vətəndaş Müdafiə Sığınacaqları” koalisiyası çərçivəsində həyata keçirilən təşəbbüslər bu ofis vasitəsilə yönləndiriləcək.
