1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ-də bir neçə kliniki ölüm keçirən Rey Kataniya adlı kişi ruhun bədəndən çıxması təcrübəsini və "axirət həyatı" qavrayışını ətraflı təsvir edib.
Oxu.Az bildirir ki, bu barədə "Metro" nəşri yazıb.
Hadisə on il əvvəl, indi 57 yaşında olan kişinin dəm qazından zəhərləndiyi və yıxılaraq kəllə-beyin travması aldığı zaman baş verib.
"Mən heç nə hiss etmədim, çünki artıq o bədəndə deyildim. Mən bədənimin üstündə, öz otağımın küncündə uçurdum və aşağı baxırdım. Mən cansız bədənimi görürdüm", - deyə Kataniya bildirib.
Onun sözlərinə görə, bədəndən kənar halda qavrayış hissi güclənib: otaq mükəmməl şəkildə kvadrat kimi görünüb və rənglər daha da canlı olub. Rey Kataniya otağın küncündə parıldayan və "sevgi, ağrısızlıq, dinclik, sevinc, maariflənmə" saçan konusa doğru cəlb olunduğunu hiss edib.
Ətrafındakıların skeptizminə (şübhə) baxmayaraq, Kataniya yaşadığı təcrübənin reallığına əmindir, hətta keçirdiyi hisslər haqqında kitab da yazıb və "axirət həyatının mütləq şəkildə var olduğunu" iddia edir.
