Formula 1 Azərbaycan Qran-Prisi çərçivəsində Bakı Kristal Zalında elektron musiqinin ən parlaq adlarından biri – Anyma möhtəşəm konsert proqramı ilə səhnəyə çıxıb.
Kulis.az xəbər verir ki, İtalyan-Amerikalı DJ və musiqi prodüseri olan Anyma özünün məşhur “Genesys” albomundan seçilmiş treklərlə tamaşaçılara valehedici anlar bəxş edib.
Onun elektron ritmləri, güclü vizual effektləri və xüsusi səhnə şousu paytaxt sakinləri və qonaqlar tərəfindən böyük coşqu ilə qarşılanıb.
Qeyd edək ki, bu axşam Glass Animals və Martin Qarrika da Kristal Zal səhnəsində çıxış edəcək.
