BAKI, 20 sentyabr. TELEQRAF
Ağ Ev ABŞ Prezidenti Donald Trampın Suriyanın keçid lideri Əhməd əl-Şaraa və Volodimir Zelenski ilə danışıqlarını planlaşdırır.
Teleqraf xəbər verir ki, bu barədə "The Wall Street" Journal (WSJ) məlumat yayıb .
Qəzetin yazdığına görə, Tramp ikinci prezidentlik müddətində ilk dəfə BMT-nin Baş katibi Antonio Quterreşlə də görüşə bilər. Mümkün görüşlərin tarixləri hələ açıqlanmayıb.
Qeyd edək ki, bundan əvvəl ABŞ Dövlət katibi Marko Rubio bildirib ki, Tramp Zelenski ilə gələn həftə BMT Baş Assambleyasının (GA) 80-ci sessiyasının yüksək səviyyəli həftəsinin keçiriləcəyi Nyu-Yorkda görüşə bilər.
Sentyabrın 19-da "CBS News"un Ağ Ev müxbiri Cennifer Jacobs "X" də bildirib ki, Tramp BMT Baş Assambleyasının sessiyası zamanı Suriya lideri ilə də görüşməyi planlaşdırır.
