...Yapon alimləri heyvanlar üzərində ağ və qara zolaqların qoruyucu xüsusiyyətlərini kəşf etdiklərinə görə Biologiya üzrə “İg Nobel” mükafatını qazanıblar.
Bu “zebra” kamuflyajı, “Ig Nobel” mükafatının saytına görə, heyvanların özlərini böcəklərdən kamuflyaj etməyə kömək edir.
SİA-nın məlumatına görə, Milli Kənd Təsərrüfatı və Qida Tədqiqatları Təşkilatının (Yaponiya) tədqiqatçısı Tomoki Kojima deyib ki, “...biz bu mükafatı aldığımız üçün çox şadıq, çünki qansoran milçəklərin zebralarda olan zolaqlı naxışlara bənzər inəklərə hücum etmə ehtimalının əhəmiyyətli dərəcədə azaldığını uğurla nümayiş etdirdik”.2019-cu ilin oktyabr ayında Kojimanın rəhbərlik etdiyi bir qrup elm adamı "zebra" kamuflyajının təəccüblü xüsusiyyətləri və onun qansoran həşəratların davranışına təsiri haqqında yeni bir araşdırma dərc etdi.
Qeyd olunduğu kimi, bir neçə il bundan əvvəl britaniyalı alimlər maraqlı kəşf ediblər: zebra zolaqları həşəratların heyvanın bədənində “təhlükə zonası”na qədər olan məsafəni müəyyən etmək qabiliyyətinə mane olur və bu, inəklərə zolaqların çəkilməsinin at milçəklərinin və milçəklərin davamlı aqressivliyi ilə mübarizədə effektiv vasitə ola biləcəyini deməyə əsas verir.
Tədqiqatçıların sözlərinə görə, təcrübədə dişləmə tezliyinə təsirini müşahidə etmək üçün ağ inəklərə qara zolaqlar, əksinə, qara inəklərə ağ zolaqlar çəkiblər. Nəticələr təəccüblü idi: at milçəyinin dişləmələrinin sayı təxminən yarıya qədər azalıb.
Nəticələrində tədqiqatçılar bu texnikanın fermerlər üçün faydalı ola biləcəyini irəli sürdülər.
Nazlı Almuradova
