BAKI, 21 sentyabr. TELEQRAF
Avstraliya Kerin Universitetinin alimləri muzey nümunələrinin asteroid zərbəsi nəticəsində yaranan tektitləri analiz ediblər.
Teleqraf xəbər verir ki, alimlər 11 milyon il əvvələ aid yeni tip tektitlər aşkarlayıblar.
Yeni nümunələr əvvəlki Avstralaziyaya yayılma sahəsi tektitlərindən həm yaş, həm də kimyəvi tərkib baxımından fərqlənir, bu da onların fərqli asteroid zərbəsinə aid olduğunu göstərir.
Alimlər bildiriblər ki, asteroidin düşdüyü yer hələ aşkar olunmayıb. Lakin araşdırma gələcəkdə oxşar hadisələrin risklərini qiymətləndirmək və planetar müdafiə üsullarını inkişaf etdirmək baxımından əhəmiyyətlidir.
