Milli Məclisin İqtisadi siyasət, sənaye və sahibkarlıq komitəsinin sədri Azər Əmiraslanov Mentorluq Proqramı çərçivəsində dördüncü “Yüksəliş” müsabiqəsinin qalibləri Anar Qasımov və Seymur Hüseynovla görüş keçirib.
Görüşdə ölkədə sahibkarlığın dəstəklənməsi, iqtisadi islahatların davamlılığı və rəqabətqabiliyyətli mühitin formalaşdırılması istiqamətində fikir mübadiləsi aparılıb.
Qaliblər öz növbəsində müsabiqənin yaratdığı imkanlardan, əldə etdikləri bilik və təcrübədən söz açaraq Mentorluq Proqramının şəxsi və peşəkar inkişaflarında mühüm rol oynadığını vurğulayıblar.
