Azərbaycan Premyer Liqasının 2025/26-cı illər mövsümünün V turu çərçivəsində “Qəbələ” – “Kəpəz” oyunu meydan sahiblərinin futbolçusu Ziya Şəkərxanov üçün əlamətdar olub.
Msport.az xəbər verir ki, “Qəbələ” Akademiyasının 18 yaşlı yetirməsi Premyer Liqada debüt oyununa çıxıb.
Beləliklə, bu mövsüm “Qəbələ”nin heyətində Premyer Liqada debüt edən futbolçuların sayı 4-ə çatıb. Buna qədər Fərid İsgəndərov, Nuğay Rəşidov və Süleyman Damadayev də elitada ilk oyunlarını keçiriblər.
