İraqda Kərbəla Günəş Elektrik Stansiyası layihəsinin birinci mərhələsi işə salınıb.
“İki sahil” yerli mediaya istinadla xəbər verir ki, İraqın bu növdən olan ilk alternativ enerji stansiyasının birinci mərhələsində 39 min panel quraşdırılıb. Ümumilikdə bu layihə üzrə yarım milyon panelin yerləşdirilməsi planlaşdırılır. Stansiyanın layihə gücü 525 meqavatdır və iki hissəyə yönəldilir: Kərbəla şəhəri üçün 300 meqavat və Babil şəhəri üçün 225 meqavat.
İraqın elektrik enerjisi naziri Ziyad Əli Fazil stansiyanın açılış mərasimində bildirib ki, bu qəbildən olan Şəms əl-Basra layihəsi də bu yaxınlarda milli enerji şəbəkəsinə qoşulacaq.
