Çinin cənubundakı Quandun əyalətinin Jiangmen şəhərində “Chikungunya” qızdırması halları sürətlə artdığı üçün 3-cü səviyyəli ictimai səhiyyə fövqəladə vəziyyəti elan olunub.
Redaktor.azölkə mediasına istinadla xəbər verir ki, sentyabrın 19-dək şəhərdə 1714 yoluxma halı qeydə alınıb. Rəsmi məlumatlara görə, bütün xəstələr yüngül formada xəstəliyi keçirir, ağır vəziyyətdə olan və ya həyatını itirən şəxslər yoxdur.
Ağcaqanad vasitəsilə yayılan “Chikungunya” virusu əsasən yüksək hərarət və oynaq ağrıları ilə özünü göstərir. Xəstəlik həmçinin oynaq şişkinliyi, əzələ və baş ağrısı, ürəkbulanma, yorğunluq və dəridə səpgilərə səbəb ola bilər.
