Qeyd edək ki, sentyabrın 12-də Polşa Seymi (parlamentin aşağı palatası) xarici vətəndaşlara sosial ödənişlər və ukraynalılara yardımla bağlı yeni qanun layihəsini qəbul edib. Sənədə əsasən, işləməyən əcnəbilər sosial müavinətlərdən məhrum ediləcəklər.
Xatırladaq ki, avqustun 25-də Polşa prezidenti Karol Navrotski ukraynalı qaçqınlara yardımların uzadılması ilə bağlı qanunu veto etmişdi. O, qərarını işləməyən ukraynalılar üçün uşaq müavinətlərinin məhdudlaşdırılması zərurəti ilə əsaslandırmışdı. Bunun ardınca Polşa Daxili İşlər Nazirliyi işləməyən əcnəbilərə uşaqpulu ("800 plus") ödənişlərinin dayandırılmasını nəzərdə tutan yeni layihə hazırlamışdı. Qeyd edək ki, Polşa 2022-ci il martın 12-də Ukrayna vətəndaşlarına yardımla bağlı xüsusi qanun qəbul etmiş, onun müddəti dəfələrlə uzadılmışdı. Hazırda ukraynalı qaçqınlar üçün xüsusi status 2025-ci il sentyabrın 30-dək qüvvədə qalacaq.
Təklifinizi, şikayətinizi bizə yazın. Sizi dinlərik. 055 634 88 31
