“Nəhayət, “Neftçi” qalib gəldi.
“Qarabağ”ın rotasiyalı heyəti də rahat Premyer Liqada çempionluğa sahib ola bilər.
"Kəpəz"ə qan dəyişikliyi lazımdır. Adil Şükürovla yola davam etmək vaxt itkisi olar”.
Bu açıqlamalar “Sportinfo TV”nin aparıcı eksperti Elçin Cəfərova məxsusdur.
Tanınmış jurnalist Premyer Liqada başa çatan 5-ci turun oyunlarından danışıb, maraqlı şərhlərlə diqqət çəkib.
“İmişli”dəki oyunçu keyfiyyətindən danışan E.Cəfərov baş məşqçi Jorj Kaskilyanın inadından vaz keçdiyi təqdirdə, komandanın fərqli performans sərgiləməyindən bəhs edib.
O, Sumqayıt səfərinin “Neftçi” üçün uğurlu alınmasının təsadüfi olmadığnı deyib, Samir Abasovun başı üzərində toplaşan qara buludları nisbətən özündən uzaqlaşdırdığını vurğulayıb.
