Premyer Liqanın 5-ci turunda "Sumqayıt" doğma meydanda "Neftçi"ni qonaq etdi.
"Ağ qaralar"ın 2:0 hesablı qələbəsi ilə başa çatan görüşü izləyənlər arasında AFFA-nın baş katibi Cahangir Fərəculayev də yer almışdı.
Təbii ki, bu məqamı fürsət bilib, federasiya rəsmisinə yaxınlaşdıq.
Ki, hazırda milli komandamızın boş qalan baş məşqçi postu ilə bağlı məlumat alaq.
Axı hazırda bütün futbol ictimaiyyətini bu məsələ çox düşündürür.
Nəzərə alaq ki, qarşıdan Fransa və Ukrayna ilə ağır oyunlar gəlir.
Cahangir bəy nəzakətlə müsahibə vermək istəmədiyini bildirdi.
Amma narahatlığımızı görüncə, qısaca "hər şey yaxşı olacaq" deməklə xoş gələcəyin mesajını vermiş oldu.
XANOĞLAN / SPORTİNFO.AZ
