Yamal bu mükafatı ardıcıl ikinci dəfə qazandı

“Barselona”nın vingeri Lamin Yamal “Qızıl top” mükafatının təqdimat mərasimində “Kopa Trophy”yə layiq görülüb.

Publika.az xəbər verir ki, O, 2024/25 mövsümünün ən yaxşı gənc futbolçusu seçilib. 18 yaşlı ispaniyalı bu mükafatı ikinci il ardıcıl qazanıb.

Mükafata həmçinin “Yuventus”dan Kenan Yıldız, PSJ-dən Joao Neveş və Dezire Due, “Barselona”dan Pau Kubarsi, “Porto”dan Rodriqo Mora, “Lill”dən Ayub Buaddi, “Çelsi”dən (daha əvvəl “Palmeyras”) Estevao, “Real”dan (daha əvvəl “Bornmut”) Din Heysn və “Arsenal”dan Maylz Luis-Skelli də namizəd olub.