1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"38 yaşında Laçından çıxmışdım, bu gün isə 14 nəvəm var".
Bu sözləri Oxu.Az-a açıqlamasında bu gün Laçın şəhərinə köç edən Həvva Nəsirova deyib.
O bildirib ki, Laçına qayıtmaq onların ən böyük arzusu olub:
"İllərlə yurd həsrəti çəkmişik. Bəziləri Laçın deyə-deyə bu dünyadan köçdülər. Çox itkilərimiz oldu, amma bu gün şükürlər olsun ki, doğma yurdumuza qovuşduq.
Hərbi hissənin inzibati binasında köçkünlük həyatı yaşadıq, məhrumiyyətlərlə keçdi ömrümüzün böyük hissəsi, amma bütün bunlar bax bu gün tarixin səhifələrinə yazıldı.
Bu günləri bizə yaşatdığı üçün Ali Baş Komandanımıza, müzəffər Ordumuza minnətdarıq. Allah şəhidlərimizə rəhmət eləsin, qazilərimizə cansağlığı versin!"
Xatırladaq ki, bu gün Laçın şəhərinə daha 20 ailə - 86 nəfər köçürülüb.
Rövşən Əsədov
