ain.az bildirir, Bizimyol saytına əsaslanaraq.
Kaliforniyanın Şimal dairəsinin hakimi Rita Lin ABŞ administrasiyasına Kaliforniya Universitetinə dondurulmuş tibbi qrantlar şəklində 500 milyon dolları bərpa etməyi tapşırıb.
Bizimyol.info xəbər verir ki, bu barədə "Los Angeles Times" məlumat verib.
Qəzetin yazdığına görə, qrantlar Ağ Evin universitetə qarşı antisemitizm, qəbul zamanı irqi profilləşdirmə və transgender şəxsiyyətinin tanınması ilə bağlı ittihamları səbəbindən dayandırılıb.
Federal hakimin qərarına əsasən, qrantlar icra orqanlarının norma yaradıcılığını tənzimləyən İnzibati Prosessual Aktını pozan, konkret araşdırma ilə bağlı olmayan rəsmi məktublar əsasında dayandırılıb.
Universitetin rektoru Ceyms Milliken daha əvvəl 500 milyon dollardan çox qrantların kəsilməsini, eləcə də ABŞ administrasiyasının digər hərəkətlərini bütün universitet sistemi üçün dağıdıcı təhlükə adlandırmışdı.
Hökumət həmçinin Fələstinə dəstək nümayişləri səbəbindən universitetə maliyyə ayrılmasını dayandırıb. ABŞ prezidenti Donald Tramp və onun administrasiyası Amerikanın nüfuzlu universitetləri ilə bağlı dəfələrlə bəyanatlar verib.
Xüsusilə, ABŞ-ın Səhiyyə və İnsan Xidmətləri Departamenti Harvard Universiteti üçün nəzərdə tutulan 60 milyon dollar federal qrantı, departamentin antisemitizm, etnik və irqi ayrı-seçkilik məsələlərini həll etməməsi səbəbindən ləğv edib.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
