44 yaşlı realiti-şou ulduzu Kim Kardaşyan bədən quruluşunu qorumaq üçün hər gün bir saat yarım idmanla məşğul olduğunu etiraf edib.
Publika.az xəbər verir ki, o, “Vogue” jurnalına müsahibəsində məşqlərinin ilk növbədə güc məşqlərindən ibarət olduğunu paylaşıb.
"Mən ağırlıq qaldırmağı sevirəm, ona görə də çoxlu güc məşqləri edirəm. Omba problemlərim olduğu üçün proqramıma bir az uyğunlaşmalı oldum, lakin formada qalmaq üçün aşağı bədən məşqləri vacibdir", - deyə Kim izah edib.
Kardaşyan həmçinin pilates və bəzi kardio məşqlərinə də vaxt ayırır. "Əgər həftədə ən azı bir dəfə pilates etməsəm, bunu kürəyimdə hiss edirəm. Mənə uzanma və dartınma lazımdır", - o etiraf edib.
Kim üçün fitnes təkcə bədənlə bağlı deyil, həm də psixoloji tarazlıqdır. "Mən məşq etməyi sevirəm - bu mənim terapiyamdır", - deyə ulduz əlavə edib.
