Gununsesi saytından verilən məlumata görə, ain.az xəbər verir.
Onlarla Qərb dövləti bazar ertəsi günü İsraildən Qəzza ilə İordan çayının qərb sahilindəki tibbi dəhlizin yenidən açılmasını tələb edib.
Gununsesi.info xarici mediaya istinadən xəbər verir ki , onlar Qəzzadan xəstələrin müalicəsi üçün maliyyə yardımı, tibbi heyət və avadanlıq təqdim etməyi təklif ediblər.
Kanada tərəfindən yayılan birgə bəyanatda bildirilir ki, İsrail işğal altındakı ərazilərə tibbi dəhlizi bərpa etməli və Qəzza sakinlərinin təcili müalicə ala bilməsi üçün məhdudiyyətləri aradan qaldırmalıdır. Avstriya, Belçika, Kanada, Fransa, Almaniya, İtaliya, Avropa Birliyi və Polşa bu bəyanatı imzalayan ölkələr arasında olub; ABŞ isə siyahıya daxil edilməyib.
May ayında yardım blokadasının qaldırılmasına baxmayaraq, Qəzzaya çatdırılan dərman və tibbi avadanlıqlar hələ də yetərli deyil. Ümumdünya Səhiyyə Təşkilatı Qəzzanın səhiyyə sistemini kritik vəziyyətdə olduğunu xəbər verib. İsrail isə bütün girişlərə nəzarət edir və anklavlara yardım göndərilməsinə icazə verir.
Uşaqlar da daxil olmaqla aclıq çəkən fələstinlilərin görüntüləri, 2023-cü ilin oktyabrından Qəzzaya hücum nəticəsində on minlərlə insanın ölməsi və əhalinin köçkün vəziyyətinə düşməsi qlobal narazılığa səbəb olub. Birləşmiş Millətlər Təşkilatı və hüquq ekspertləri bunu soyqırım kimi qiymətləndirir.
Şəbnəm Rəhimova
Gununsesi.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
