Vətəninfo.az xəbər verir ki, Fransa prezidenti Emmanuel Makron, ABŞ prezidenti Donald Trampın Nobel Sülh Mükafatına layiq görülməsinin yalnız İsrail və Fələstin arasındakı münaqişəyə son qoyulması halında mümkün olduğunu bildirib. Makron, BFMTV telekanalına verdiyi müsahibədə, Yaxın Şərq böhranının həlli üçün Amerika prezidentinin göstərdiyi sülhməramlı səylərinin Nobel mükafatı ilə tanınmasının əsas şərt olacağını vurğulayıb.
Fransa lideri, Trampın Yaxın Şərqdə sülhə nail olmaq üçün göstərdiyi hər hansı müsbət addımın, onun Nobel Sülh Mükafatına layiq görülməsi üçün əsas səbəb olacağını əlavə edib.
Bu açıqlama, ABŞ prezidentinin Ermənistanın baş naziri Nikol Paşinyan və Azərbaycan prezidenti İlham Əliyev tərəfindən Nobel Sülh Mükafatına namizədliyinin irəli sürülməsi xəbəri ilə üst-üstə düşüb. Tramp, öz növbəsində dəfələrlə bildirib ki, o, 7 münaqişəni, o cümlədən Ermənistan və Azərbaycan arasındakı münaqişəni həll etməkdə uğur qazanıb.
