ain.az, Azpolitika.az portalından verilən məlumatlara əsaslanaraq xəbər verir.
Ukrayna tərəfindən həyata keçirilən dron zərbələri nəticəsində Rusiya ordusuna məxsus “İskəndər” operativ-taktiki raket kompleksi məhv edilib.
“AzPolitika” bildirir ki, yerli Teleqram kanalları bu hadisəni müharibə başlayandan bəri eyni anda verilən ən əhəmiyyətli itkilərdən biri kimi qiymətləndirir.
Məlumata görə, Ukraynanın uzaqmənzilli dronlarından birinin zərbəsi nəticəsində “İskəndər” kompleksinə aid altı MZKT-7930 şassili maşın tamamilə məhv edilib. Rusiyalı hərbi jurnalistlər tərəfindən çəkilən və “Dosye Şpiona” tərəfindən yayımlanan fotolarda yanmış hərbi texnika aydın görünür.
Qeyd olunur ki, zərbə Krasnodar bölgəsindəki “Molkino” təlim sahəsinə endirilib. Həmin ərazi 1-ci raket briqadasının daimi dislokasiya nöqtəsi hesab olunur. Bu briqada “İskəndər” OTRK-larına (operativ-taktiki raket kompleksləri) malikdir.
Qeyd edilməlidir ki, “İskəndər” kompleksinə yalnız 9P78-1 işə salma qurğuları deyil, həm də 9T250 şassili yükdaşıma və doldurma, komanda və idarəetmə, texniki xidmət və məskunlaşma maşınları da daxildir. Bu maşınların əksəriyyəti MZKT-7930 və KamAZ şassiləri üzərində quraşdırılıb.
Fotolarda altı MZKT-7930 şassili maşın və bir KamAZ şassili maşın yanmış vəziyyətdə görünür. Ekspertlərin ilkin analizinə görə, zərbədə yalnız bir işə salma qurğusu, digər beş maşın isə 9T250 yükdaşıma və doldurma maşınları olub. Yanğın zamanı Rusiya tərəfi alovu söndürməyə çalışsa da, buna nail ola bilməyib.
Qeyd edək ki, bu, “İskəndər” OTRK-ya məxsus məhv edilmiş maşınlara aid yayımlanan ilk fotoşəkillərdir. Ötən ilin iyun ayında isə Rusiyanın bir işə salma qurğusu məhv edilmiş, iki maşın isə zədələnmişdi.
Bu hadisə, Ukrayna dronlarının Rusiya hərbi infrastrukturu üzərində nə qədər təsirli olduğunu bir daha göstərir.
Rasim Əliyev
“AzPolitika.info”
Daha ətraflı məlumat və yeniliklər üçün ain.az saytını izləyin.
