“Baxırsan, bugünkü gəncliyimiz “TikTok”larda itib-batır. Hoqqa verirlər, olmaz”.
Gundem.az xəbər verir ki, bu sözləri müğənni Nadir Qafarzadə “Şou MTV”yə açıqlamasında deyib.
“Ən çox da günahkar kimdir? Analar. Biz kişilər səhər papağımızı başımıza qoyuruq, o da varsa, gedirik pul qazanmağa. Evdə uşaqla anası qalır. Əziz, gənc analar, sizdən rica edirəm, gəncliyimizi qoruyun. Qızlarınızı “TikTok”dan, instaqramdan uzaq tutun. Vaxtı gələndə həmin sosial şəbəkələrdən istifadə edəcək, amma indi yox. Qızlara oğlan kimi rəqs etdirirlər. Qoy qızlarımız xanım kimi böyüsün”, - o bildirib.
