Şagirdi döyən direktor müavini işə qaytarılıb? – Təhsil İdarəsindən AÇIQLAMA

Lənkəran rayonunda şagird və xadiməyə zorakılıq edən direktor müavininin görüntüləri yayılıb. Məlumata əsasən, hadisə M.Qarayev adına Zövlə kənd orta məktəbində baş verib.Şagird və xadiməni döyən direktor müavini işdən çıxarıldığı deyilsə də, sosial şəbəkələrdə direktor müavininin işə qaytarıldığına dair iddialar yayılıb.Modern.az məsələ ilə əlaqədar Lənkəran-Astara Regional Təhsil İdarəsi ilə əlaqə saxlayıb.Sorğumuza cavab olaraq Regional Təhsil İdarəsindən bildirilib ki, hazırda sözügedən təşkilatçının məktəbdə fəaliyyət göstərməsi ilə bağlı yayılan məlumatlar həqiqəti əks etdirmir.