Rusiya ordusu Ukraynanın Dnepropetrovsk vilayətində bir yaşayış məntəqəsini nəzarətə götürüb. Eyni zamanda, Xarkov, Donetsk və Xerson bölgələri atəşə tutulub...
Milli.Az xəbər verir ki, Rusiya Müdafiə Nazirliyinin açıqlamasına görə, Ukraynanın aviasiya sənayesi obyektləri, aerodromları və pilotsuz uçuş aparatlarının istehsal məntəqələri zərbələrə məruz qalıb.
Odessa şəhəri də atəş hədəfi olub, nəticədə bir qadın həyatını itirib, üç nəfər yaralanıb. Həmçinin mehmanxana, inzibati binalar və mülki infrastrukturda ziyan dəyib.
Yaydan bəri Rusiya ordusu Ukraynanın dəmiryol infrastrukturuna PUA vasitəsilə hücumlar təşkil edir. Müdafiə Nazirliyi bu əməliyyatların əsas məqsədinin Qərb ölkələrindən gələn hərbi yardımı əngəlləmək olduğunu bildirir. Kiev isə bu hücumları Moskvanın Ukraynanı təslim olmağa məcbur etmək strategiyası kimi qiymətləndirir.
Poliqon.info
