Suriya keçid dövrü prezidenti Əhməd Əş-Şaraa, Birləşmiş Millətlər Təşkilatının Baş Assambleyasının Nyu-Yorkda keçirilən iclası çərçivəsində ABŞ prezidenti Donald Tramp ilə görüşüb. Vətəninfo.az xəbər verir ki, bu barədə Suriya dövlət xəbər agentliyi SANA məlumat yayıb.
SANA agentliyi, Əş-Şaaranın Trampa əl sıxdığı və görüşə ABŞ-ın birinci xanımı Melaniya Trampın da qatıldığı iki fotonu dərc edib. Lakin agentlik görüşün detalları ilə bağlı heç bir əlavə məlumat verməyib.
Bu, tərəflərin may ayında Səudiyyə Ərəbistanının paytaxtı Ər-Riyad şəhərində keçirdiyi ilk görüşdən sonra ikinci dəfə görüşməsidir.
Məlumata görə, İsrailin baş naziri Binyamin Netanyahu, Tramp və Əş-Şaraa arasında üçtərəfli danışıqların keçirilməsini planlaşdırır. Bu danışıqların BMT Baş Assambleyasının sammiti çərçivəsində baş tutacağı bildirilir.
