“Redmi 15” smartfon seriyası – güclü batareya və cəlbedici 6,9 düymlük ekran

“Redmi 15”smartfon seriyasını təqdim edirik: 7000 mA·shəcmli, güclü batareya və cəlbedici 6,9 düymlük ekran

Pekin, Çin, 29 avqust 2025-ci il – Bu gün “Xiaomi” şirkəti yüksək etibarlılıq və gündəlik əyləncələr üçün nəzərdə tutulmuş yeni “Redmi 15 Series” smartfon seriyasını təqdim etdi. Seriyanın smartfonları 7000 mA·s (tip.) həcmli batareya, böyük 6,9 düymlük FHD+ displey və 50 Mp-lik AI ikili kamera ilə təchiz edilib. Xiaomi HyperOS 2¹ əməliyyat sistemi ilə işləyən “Redmi 15”, müxtəlif cihazlar arasında düşünülmüş və qarşılıqlı əlaqəli istifadəçi təcrübəsini təmin edir.

Gündəlik eleqant dizayn və etibarlı qoruma

Aktiv gündəlik istifadə üçün işlənib hazırlanmış “Redmi 15” seriyası etibarlılığı və müasir estetikanı özündə birləşdirir. Təbii elementlərdən ilhamlanaraq hazırlanmış bu seriya, dəqiq icranı və zərif dizaynı özündə birləşdirməklə yanaşı həm də dörd dəbli çalarda təqdim olunur: Sandy Purple, Ripple Green, Titan Gray və Midnight Black².

Metal elementlərlə təchiz edilmiş, dörd tərəfi yuvarlaq arxa panel hətta uzunmüddətli istifadə zamanı belə əlinizə ideal dərəcədə rahat və etibarlı şəkildə oturur.

Smartfonlar toz və su sıçramalarına qarşı IP64 qoruma reytinqinə malikdir və Wet Touch 2.0³ texnologiyası ilə təchiz edilmişdir ki, bu da ekranın nəm, yağlı və ya sabunlu barmaqlarla toxunuşlara belə həssas qalmasını təmin edir. Bu, istənilən gündəlik ssenaridə etibarlı qorumanı və rəvan qarşılıqlı əlaqəni təmin edir.

7000 mA·sgüc və rəvan, effektiv performans

Qabaqcıl silisium-karbon anod texnologiyası sayəsində, “Redmi 15” seriyası “Xiaomi”nin qlobal smartfon bazarında ən böyük batareyası – 7000 mA·saat (tip.) həcmli “Xiaomi Surge” batareyasıilə təchiz edilib. Bu batareya bir dəfə şarj etməklə iki günə qədər istifadəni təmin edir⁴.

• “Redmi 15” seriyası 28 saata qədər video izləməni dəstəkləyir və cəmi 1% şarjla 64 dəqiqəyə qədər danışmaqimkanını təmin edə bilir.

Şarj vaxtı çatdıqda, 33 vatlıq sürətli şarj imkanı boş dayanma müddətini əhəmiyyətli dərəcədə azaldır⁶.

Smart Charging Engine 2.0 sayəsində smartfon şarjı tam bitdikdən sonra bir neçə saniyə ərzində işə düşür, Battery Health 4.0 sistemi isə ətraf mühit şəraitindən asılı olaraq şarj strategiyasını ağıllı şəkildə tənzimləyir, bu da batareyanın uzunömürlülüyünü təmin edir⁵.

18 Vt gücündə naqilli reversiv şarj funksiyası ilə smartfon yolda olarkən uyğun cihazları şarj etmək üçün portativ batareya kimi istifadə edilə bilər⁷.

Gücün və performansın balansı

Enerji və sürətin optimal kombinasiyası üçün:

• “Redmi 15” seriyasıSnapdragon® 685 mobil platforması ilə təchiz edilib.

Platforma enerjiyə qənaət edən 6-nm texnoloji prosesi əsasında hazırlanıb ki, bu da gündəlik ssenarilər zamanı, o cümlədən kazual oyunlarda rəvan çoxtapşırıqlılığı, operativ veb-sörfinqi və sabit işi təmin edir.

Əlavə çeviklik üçün “Redmi 15 Series” aşağıdakıları dəstəkləyir:

• Memory Extension⁸ funksiyası sayəsində 16 GB-dək operativ yaddaş,

•2 TB-dək genişləndirilə bilən yaddaş⁹,

• fərqli məlumat saxlama və performans ehtiyaclarını qarşılamaq üçün müxtəlif yaddaş konfiqurasiyaları.

Komfort üçün optimallaşdırılmış cəlbedici 6,9 düymlük displey

Tam immersiya üçün optimallaşdırılmış “Redmi 15”seriyası internetdə sörfinq, striminq və oyunlar üçün aydın görüntünü və dolğun rəngləritəmin edən 6,9 düymlük FHD+ displeylə (2340×1080) təchiz edilmişdir.

• AdaptiveSync doqquz tənzimləmə səviyyəsi ilə 144 Hz-dək yeniləmə tezliyini dəstəkləyir, rəvan və realistik təsviri təmin edir¹⁰.

• 288 Hz-dək toxunuş seçimi tezliyi displeyin həssaslığını artırır.

• Tipik parlaqlıq 700 nit, HBM rejimində isə 850 nitə çatır, bu da ekranı parlaq işıqda belə mükəmməl oxunaqlı edir.

Oxuma rejimi, DC Dimming texnologiyası ilə birlikdə, uzunmüddətli istifadə zamanı gözlərin yorğunluğunu azaldır.

Displey TÜV Rheinland sertifikatlarına malikdir:

• Low Blue Light (Software Solution) – mavi işıq səviyyəsinin azaldılması,

• Flicker-Free – titrəmələrin olmaması,

• Circadian-Friendly – təbii bioritmlərin dəstəklənməsi.

Bu həllər sayəsində ekran gün ərzində komfortlu baxışı və rəvan görüntünü təmin edir.

AI funksiyalı kamera və daha parlaq təəssüratlar üçün immersiv səs

Gündəlik yaradıcılıq və əyləncələr üçün yaradılmış “Redmi 15” seriyası intuitiv kamera, keyfiyyətli immersiv səs və geniş qoşulma imkanlarını özündə birləşdirir.

Kameranın ümumi imkanlarına daxildir:

• Asan və aydın gecə çəkilişləri üçün avtomatik gecə rejimi

• Təbii portretlər üçün selfinin yaxşılaşdırılması rejimi

• Seçilmiş modellərə yüngül animasiyalar və dinamik elementlər əlavə etmək¹¹ üçün Dynamic Shots.

Yaradıcılıq imkanlarını genişləndirmək üçün Redmi 15 5G təklif edir:

• AI Erase – fotolardakı lazımsız obyektləri silir.

• AI Sky – səmanın görünüşünü və detallarını yaxşılaşdırır¹².

Səs sistemi vizual təcrübəni tamamlayır:

• Səsin dərinliyi və aydınlığı üçün Hi-Res Audio və Dolby Atmos® dəstəyi,

• Hətta səs-küylü yerlərdə belə aydın və dolğun səslənməni təmin etmək üçün səsin gurluğunun 200% artırılması¹³.

İntellektual funksiyalar və rahat ekosistem

Xiaomi HyperOS 2¹ əməliyyat sistemi ilə işləyən “Redmi 15 Series” smartfonları “Xiaomi Interconnectivity” texnologiyasını, o cümlədən aşağıdakıları dəstəkləyir:

• zənglərin sinxronizasiyası,

• şəbəkənin sinxronizasiyası,

• bir neçə cihazda eyni vaxtda rəvan işləmək üçün¹⁴ ümumi bufer saxlancı (Shared Clipboard).

Həmçinin seriya aşağıdakılarla tam uyğundur:

• Lazımi məlumatı dərhal axtarmaq üçün Circle to Search with Google¹⁵.

• Performansı artırmaq və gündəlik tapşırıqları sadələşdirmək üçün Google Gemini¹⁶.

Qiymət və əlçatanlıq

“Redmi 15” iki yaddaş variantı ilə təklif olunur:

•8GB + 128GB variantı 389 AZN-dən başlayan qiymətlərlə

• 8GB + 256GB variantı 419 AZN-dən başlayan qiymətlərlə

Smartfonlar üç dəbli rəngdə təqdim olunur: bənövşəyi, titan və qara.

“Redmi 15” smartfonlarını artıq “Kontakt”, “Baku Electronics”, “İrşad” və “Soliton” mağazalarında əldə etmək mümkündür.

Məhsulun təsviri

Xarakteristikalar haqqında qısa məlumat – “Redmi 15”

Diskleymerlər

¹ Xiaomi HyperOS 2 funksiyalarının, tətbiqlərinin və servislərininəlçatanlığı proqram təminatının versiyasından və telefonun modelindən asılı olaraq dəyişə bilər.

² Rənglərin əlçatanlığı ölkələrə görə fərqlənə bilər.

³ IP64 qorunma sinfinə aid cihaz laboratoriya şəraitində sınaqdan keçirilmiş və IEC 60529:1989+A1:1999+A2:2013 qorunması təsnifatına uyğun olaraq su sıçramalarına və toza davamlı olduğu müəyyən edilmişdir. Su sıçramalarından, sudan və tozdan qorunma funksiyaları gündəlik istifadə zamanı azala bilər. Smartfonu rütubətli şəraitdə şarj etmək olmaz. Real istifadə şəraiti laboratoriya şəraitindən fərqlənir. Smartfonu tamamilə suya batırmaq və gündəlik istifadə zamanı dəniz suyu və ya xlorlu su kimi məhlulların, eləcə də içkilər kimi mayelərin təsirinə məruz qoymaq olmaz. Zəmanət cihazın qəsdən mayeyə batırılması nəticəsində yaranan zədələri əhatə etmir.

⁴ Məlumatlar “Xiaomi” laboratoriyalarında yüngül gündəlik istifadə modeli əsasında əldə edilmişdir. Faktiki nəticələr fərqlənə bilər.

⁵ Məlumatlar “Xiaomi” laboratoriyalarında əldə edilmişdir. Faktiki nəticələr fərqlənə bilər. Məhsul regiona görə fərqlənə bilər, buna görə də faktiki məhsula istinad etmək tövsiyə olunur.

⁶ Şarj cihazının komplektə daxil olub-olmadığını yerli satıcıdan dəqiqləşdirmək tövsiyə olunur.

⁷ 18 Vt-dək naqilli əks şarj dəstəklənir və “Xiaomi” laboratoriyalarında sınaqdan keçirilmiş cihazlarla uyğundur. Faktiki performans batareyanın vəziyyətindən və digər amillərdən asılı olaraq fərqlənə bilər. Bu funksiyadan istifadə edərkən telefonunuzun şarj səviyyəsinin kifayət qədər olduğuna əmin olun və qəbul edən cihazın uyğunluğunu yoxlayın.

⁸ Yaddaş genişlənməli 16 GB-lıq operativ yaddaş 8 GB-lıq operativ yaddaş versiyası əsasında əlçatandır. Əlavə RAM müvafiq həcmdə ROM tutur. Yaddaş genişlənməsi funksiyası yalnız cihazın yaddaşında kifayət qədər boş yer olduqda əlçatandır. Genişləndirilmiş operativ yaddaşın real həcmi modeldən asılı olaraq fərqlənə bilər.

⁹ Genişləndirilə bilən yaddaş üçün microSD kart ayrıca satılır, bax. faktiki istifadə.

¹⁰ Yeniləmə tezliyi dəstəklənən tətbiqlər üçün 144 Hz-dək konfiqurasiya edilə bilər.

¹¹ Dynamic shots funksiyası OTA yeniləməsi vasitəsilə əlçatan ola bilər. Bu, 4 GB RAM-ı olan Redmi 15 5G modelində əlçatan deyil.

¹² AI Erase funksiyası yalnız 8 GB RAM-ı olan Redmi 15 5G modelində dəstəklənir.

¹³ Məlumatlar Redmi 13 ilə müqayisə edilir. Faktiki effektlər proqram təminatından və istifadə ssenarilərindən asılı olaraq fərqlənə bilər, bax. faktiki istifadə.

¹⁴ Smartfonlar və planşetlər Xiaomi HyperOS 2 əməliyyat təminatınadək yenilənməli, Bluetooth və WLAN parametrləri aktivləşdirilməli, eyni “Xiaomi”uçot qeydinə daxil olmalı və “Parametrlər –Xiaomi Interconnectivity” funksiyası aktivləşdirilməlidir. Ayrı-ayrı funksiyaların və servislərinəlçatanlığı proqram təminatı versiyasından, tətbiqlərdən və cihazın modelindən asılı ola bilər, bax. faktiki istifadə.

¹⁵ Bəzi cihazlarda əlçatandır, internet bağlantısı tələb olunur. Uyğun tətbiqlərdə və uyğun səthlərdə işləyir. Nəticələr vizual məlumatların uyğunluğundan asılı olaraq fərqlənə bilər.

¹⁶ “Gemini” tətbiqi bəzi cihazlarda, dillərdə və bəzi ölkələrdə əlçatandır. Uyğun hesablarla işləyir. İnternet bağlantısı tələb olunur. Cavabların dəqiqliyini yoxlamaq tövsiyə olunur. Funksiyaların əlçatanlığı dildən asılıdır. “Gemini” tətbiqi “Google LLC”nin əmtəə nişanıdır.

¹⁷ Konfiqurasiyalar regiona görə fərqlənə bilər. Əməliyyat sisteminin və əvvəlcədən quraşdırılmış proqram təminatının tələbləri səbəbindən əlçatan RAM və yaddaş həcmləri bəyan ediləndən azdır.

¹⁸ Bağlantı imkanları və şəbəkə diapazonları regiona və yerli operatorların dəstəyinə görə fərqlənə bilər.

¹⁹ NFC-nin mövcudluğu ölkələrə görə fərqlənə bilər.

“Xiaomi” korporasiyası haqqında

“Xiaomi” Korporasiyası 2010-cu ilin aprelində təsis edilib, 9 iyul 2018-ci ildə Honkonq Fond Birjasında (1810.HK) qeydiyyatdan keçib. “Xiaomi” – əsasını Əşyaların İnterneti (IoT) platforması ilə əlaqələndirilən smartfonlar və “ağıllı” avadanlıqlar təşkil edən istehlakçı elektronikasının və “ağıllı” cihazların istehsalı ilə üzrə ixtisaslaşmış şirkətdir.

Özünün “İstifadəçilərlə dostlaşmaq və onların qəlbində ən yaxşı şirkət kimi yer tutmaq” missiyasına sadiq qalan “Xiaomi” şirkəti daim innovasiyalara, yüksək istifadəçi təcrübəsinə və əməliyyat səmərəliliyinə çatmağa can atır. Şirkət, dünyadakı hər kəsin innovativ texnologiyalar sayəsində daha yaxşı həyatdan zövq ala bilməsi üçün ədalətli qiymətlərlə heyrətamiz məhsullar istehsal edir.

“Xiaomi”  dünya üzrə smartfon istehsalçıları arasında aparıcı mövqelərdən birini tutur. 2025-ci ilin iyun ayına olan məlumata görə, smartfon və planşet istifadəçiləri də daxil olmaqla, qlobal aylıq aktiv istifadəçi (MAU) sayı 731,2 milyon nəfərə çatıb. Şirkət həmçinin 2025-ci ilin 30 iyun tarixinə qədər təxminən 989,1 milyon smart cihazın (smartfonlar, noutbuklar və planşetlər istisna olmaqla) qoşulduğu dünyanın aparıcı istehlakçı platforması olan AIoT-un (AI+IoT) yaradıcısıdır.

• cü ilin oktyabr ayında “Xiaomi” öz strategiyasını “Human x Car x Home” (“İnsan × Avtomobil × Ev”)strategiyasına yeniləyib. Yenin strategiya şəxsi cihazların, “ağıllı” ev məhsullarının və avtomobillərin rəvan inteqrasiyasını nəzərdə tutur. Hər zaman insanyönümlü olması ilə fərqlənən “Xiaomi” şirkəti istifadəçilərə daha təkmilləşdirilmiş və əlaqəli həllər təqdim etməyə çalışır.

“Xiaomi” şirkətinin məhsulları dünyanın 100-dən çox ölkə və regionunda təmsil olunur. 2025-ci ilin iyun ayında şirkət ardıcıl yeddinci dəfə “Fortune Global 500” siyahısına daxil olub və bu siyahıda 297-ci yeri tutub.

“Xiaomi” aşağıdakı əsas indekslərin tərkibinə daxildir: Hang Seng Index, Hang Seng China Enterprises Index, Hang Seng TECH Index və Hang Seng China 50 Index.