Azərbaycan xarici işlər nazirinin müavini Elnur Məmmədov BMT-nin Baş Assambleyasının 80-ci sessiyasında itkin düşən 4 minə yaxın azərbaycanlının taleyi ilə bağlı çağırış edib.
NOCOMMENT.az xəbər verir ki, bu barədə XİN-in rəsmi “X” hesabında məlumat dərc olunub.
Məlumata görə, E.Məmmədov sessiya çərçivəsində “Silahlı münaqişələr zamanı itkin düşmüş şəxslər: Cavabların axtarışının genişləndirilməsi” mövzusunda Yüksək Səviyyəli Görüşdə iştirak edib.
Nazir müavini çıxışında Ermənistanın təcavüzü nəticəsində itkin düşmüş 4 minə yaxın azərbaycanlının taleyinə diqqət çəkib, həqiqətin və ədalətin təmin olunması üçün beynəlxalq səylərin gücləndirilməsinə çağırıb.\\“Unikal”
